Thursday, 25 December 2014

ربا سچیا توں تے آکھیا سی - فیض احمد فیض

ربا سچیا توں تے آکھیا سی
جا اوئے بندیا جگ دا شاہ ایں توں 
سہاڈیاں نعمتاں تیریاں دولتاں نیں 
سہاڈا نائب تے عالی جاہ ایں توں 

ایس لارے تے ٹور کدی پچھیا ای 
کی ایس نمانڑے تے بیتیاں نیں 
کدی سار وی لیّ او رب سائیاں 
تیرے شاہ نال جگ کیہ کیتیاں نیں 

کِتے تہونس پولس سرکار دی اے 
کِتے تہاندلی مال پٹوار دی اے 
اینویں ہڈاں اِچ کلپے جان میری 
جیویں پھاہی اِچ کونج کُررلاوندی اے 

چنگا شاہ بناڑایا ای رب سائیاں 
پولے کھاندیاں وار نہ آوندی اے 


مینوں شاہی نہیں چاہی دی رب میرے 
میں تے عزت دا ٹکر منگناں ہاں 
مینوں تانگ نہیں محلاں ماڑیاں دی 
میں تے جیویں دی نکر منگنا ہاں 

میری منّیں، تے تیریاں میں منّاں 
تیری سونہہ جے اک وی گل موڑاں 
جے اے مانگ نہیں پُجدی تاں 
ربا میں جاواں تے رب کوئی ہور لبّاں