Monday, 20 January 2014

Sunna hai loge ussay aankhh bhhurr kay daikhhtay hain - Faraaz

Sunna hai loge ussay aankhh bhhurr kay daikhhtay hain
So uss kay sheher mein kuchh din thheher kay daikhhtay hain

Sunna hai rubt hai uss ko kharaab haalo'n say
So upnay aap ko burbaad ker ke daikhhtay hain

Sunna hai durd ki gaahuk hai chashm-e-naaz uski
So hum bhi uss ki gulli se guzar k daikhhtay hain

Sunna hai usko bhji hai sher-o-shaiyrii se shughuff
So hum bhhi mojzay apnay hunnur kay daikhhtay hain

Sunna hai bolay to baato’n se phool jhhurdtay hain
Yeh baat hai to chalo baat kur kay daikhhtay hain

Sunna hai raat ussay chaand tukta rehta hai
Sitaarey baam-e-falak se utar kay daikhhtay hain

Sunna hai din ko usay titliaa'n sataati hain
Sunna hai raat ko jugnoo thheher ke daikhhtay hain

Sunna hai hushr hain uss ki ghazaal si aankhhain
Sunna hai uss ko hirrun dasht bhurr kay daikhhtay hain

Siyaah chashm to daikhhay hain pur na aisay bhhi
Kay uss ko surma farosh aah bhhur kay daikhhtay hain

Sunna hai uss kay laboe'n say gulaab jultay hain
So hum bahaar pay ilzaam dhhur kay daikhhtay hain

Sunna hai aaina tumsaal hai jabee'n uski
Jo saada dil hain ussay bun su’nvur kay daikhhtay hain

Sunna hai jub say hamaail hain uss ki gurdun mei’n
Mizaaj aur hi la'al-o-gohar kay daikhhtay hain

Sunna hai chashm-e-tasawwar say dasht-e-imkaa'n mein
Palang zaaviye uss ki kamar ke daikhhtay hain

Sunna hai uss kay badan ki taraash aissee hai
Kay phool apni qaba'ain qutar kay daikhhtay hain

Wo sar-o-qad hai magar be-gul-e-muraad nahi
Kay uss shujjur pay shagoofay summur kay daikhhtay hain

Nazzar uthhay to yeh sumjhho kay deen-o-dil to gayye
So rehrawaan-e-tamanna bhhi durr kay daikhhtay hain

Rukay to gardishain uss ka tawaaf kurti hain
Challay to uss ko zamaanay thheher kay daikhhtay hain

Kahaniyaa'n hi sahi, sub mubaalghay hi sahi
Aggur woh khawaab hai to ta'abeer kur kay daikhhtay hain

Kisay naseeb kay bay-pairhan ussay daikhhay
Kabhi kabhaar, dur-o-deewaar ghurr kay daikhhtay hain

Ab uskay sheher mein thhehrai’n kay kooch kurr jayyai’n
Faraaz aao sitaaray suffur kay daikhhtay hain