Tuesday, 21 January 2014

Dayaar-e-Noor mei'n teerah shubboe'n ka saathhi - Iftikhaar Arif

dayaar-e-noor mein teerah shubboe’n ka saathhi ho
koi to ho jo mayree wehshutoe’n ka saathi ho

main uss say jhhoot bhhi boloo’n to mujhh say such bolay
mairay mizaaj kay sub mosummoe’n ka saathhi ho

main uss kay haathh na aaoon woh maira ho kay rahay
main girr pardoo’n to mayree pusteeyoe'n ka saathhi ho

woh mairay naam ki nisbut say moetabur thhehray
gulli gulli mayree ruswaaiyo'n ka saathhi ho

main apnay aap ko daikhhoon woh mujhh ko daikhhay jaayye
woh mayray nufss ki gumrahiyoe'n ka saathhi ho

woh khwaab daikhhay to daikhay mayray hawaalay say

mayray khayaal kay sub munzurroe'n ka saathai ho